പുഴതാണ്ടിടുവാന് ഗുഹനെന്തിനു പ-
ണ്ടവതാരമിയന്നരഘൂത്തമനു
അഴലിന് പുഴ താണ്ടിടുവാന് സദയം
വഴി കാട്ടുവതാം പൊരുളേ പറയൂ
പുഴയായതുമാപുഴ താണ്ടിടുവാന്
തുഴയുന്നതുമോടവുമൊക്കെ ഭവാന്
കുഴയുന്നിതറിഞ്ഞിടുവാനിവിടെ-
ന്മിഴിയെന്നതറിഞ്ഞിതു കാട്ടിയതോ ?
പുഴപോലുലകം, മനുജന്നനിശം
തുഴയേണമതൊന്നു കടന്നിടുവാന്
അഴലൊക്കെയകറ്റിടുവാനിതു താന്
വഴിയെന്നു ഭവാനിഹ ചൊല്ലുകയോ
വഴിയില്ലിവിടാര്ക്കുമിതെന്നിയെ, നാം
കഴിയും വിധമായിതുചെയ്തിടണം
വഴികാട്ടിടുമാപൊരുളാകിലുമീ
വഴിവിട്ടിടുവാന് കഴിയില്ലിവിടെ