ബലിയുടെയരികെ ത്താന്‍ കണ്മതായീടുമെന്നായ്
ബലിശിരസി പദം വച്ചോരുനേരത്തുചൊല്ലീ
കലി ചിലരുടെയുള്ളില്‍ കാണ്മതെന്തിന്നു തെല്ലാ
ഹലിയുടെയനുജന്നൊത്തായി ദൈത്യന്‍ വസിച്ചാല്‍
Archive for September 2, 2017
0
തിരുനെല്ലിയിലെന്നകതാരിലുമായ്
മരുവും പൊരുളേ മമ ജീവനു നീ
അരുളീടണമേ ശരണം ഭഗവന്‍
കരുണാര്‍ദ്രമതിന്നു നമിപ്പു സദാ
ആരും കുറിക്കുന്നതു കണ്ടതില്ലീ
നേരെങ്ങുമേ, മൂടി മറച്ചിടുന്നൂ
സൂര്യന്റെ വെട്ടം മുകിലത്രെയെങ്ങും
നീരേകുവാനെന്നലറും നഭസ്സില്‍
എന്മാനസം യമുനയായതിലായ് വസിക്കു-
മെന്‍ ദര്‍പ്പകാളിയഫണങ്ങളിലാടി നില്ക്കും
നിന്‍ ചിത്രമോ ഗുരുമരുത്പുരനാഥ! കാണു-
ന്നിന്നീവീധം ഗുരുമരുത്പുരി തന്നിലായ് ഞാന്‍
ഇരുമ്പിന്നു താനേ വരാനാവതുണ്ടോ
കരുത്തേകിടും കാന്തമത്രേ ചലിക്കാന്‍
തുരുമ്പായി മാറാതെ നിന്നില്‍ ലയിക്കാന്‍
തരൂ ഭാഗ്യമുള്‍ത്താരിനായ് ഭക്തിയേകൂ
Whispering along! 