കോടിലിംഗപുരിവാസിയായ ജനതയ്ക്കിതുത്സവമുഹൂർത്തമാ-
യോടിയെത്തുമവിടെയ്ക്കു കാളിയുടെ തൃപ്പദം തൊഴുതുകൂപ്പുവാൻ
ആടിടുന്ന മമ മാനസം, വരുവതായ ചിന്ത പല കീർത്തനം
പാടിടും, തുണ തരുന്നതാം ചരണപങ്കജം ശരണമെപ്പൊഴും
Archive for January 18, 2023
0
ആത്മാവിൽ കൂടുകൂട്ടുന്നൂ
ചിറകുള്ള പ്രതീക്ഷകൾ
നിർത്താതവ മൂളുന്നൂ
പദമില്ലാത്ത പാട്ടുകൾ
ഹൃദ്യമായ് തെന്നലിൽ കേട്ടൂ
കൊടുങ്കാറ്റിൻ കരുത്തിലും
അതു നോവു കിളിക്കേകാ –
മന്യർക്കാശ്വാസമായ് വരാം
മഞ്ഞിലാണ്ട കരയ്ക്കാഴി –
ക്കുള്ളിലും പാട്ടുകേട്ടു ഞാൻ
പ്രതിഫലം കൊതിക്കാതെൻ
കഷ്ടത്തിൽ നൽകി സാന്ത്വനം