ഓങ്കാരമന്ത്രമായെന്നകതാരിലെ
പങ്കമകറ്റുന്ന നാമമോതൂ
നാവേ ജപിക്കുക സ്വാമി തൻ നാമങ്ങൾ
ആവോളം, കാക്കുമാനാമമന്ത്രം
മല്ലാരിപുത്രൻ്റെ നാമം ജപിക്കുവാൻ
തെല്ലുമേ ശങ്കിച്ചിടൊല്ല നാവേ
ശിഷ്ടരെകാക്കുന്ന ശങ്കരപുത്രൻ്റെ
അഷ്ടോത്തരം ചൊൽകയെൻ്റെ നാവേ
വാടുമെന്മാനസപ്പൂവിനെ കാറ്റായ് ത-
ലോടുമെന്നയ്യൻ്റെ നാമമോതൂ
യാതനയേകുമീ വാഴ്വിൽ തുണയ്ക്കുന്ന
ചൈതന്യരൂപൻ്റെ നാമമോതൂ
0