പൂർണ്ണത്രയീശ്വരൻ മത്സ്യം
കർണ്ണാഭരണമായവൻ
അർണ്ണോജാക്ഷനെന്നുള്ളാ –
മർണ്ണാജേ കളിയാടണം
Archive for April 27, 2024
കാനനം തന്നിലായാനന്ദമേകുന്ന
കാഴ്ചകൾ കണ്ടതാചുറ്റിടുന്നൂ
കാമോപമൻ രാമചന്ദ്രൻ രഘൂത്തമൻ
കാന്തയാം സീതയോടൊപ്പമൊപ്പം
കാണാം നിഴൽപോലെ ലക്ഷ്മണസ്വാമിയും
കാവലായ് ചാപവുമേന്തി ചെമ്മേ
മന്ദം ഗമിക്കുക കച്ഛപമേ! ഭവാ-
നെന്തിനായ് കാട്ടുന്നതിത്തിടുക്കം?
ചുറ്റുപാടും നോക്കി, വാർത്തകളും കേട്ടു
ചുറ്റുന്നനേരത്തു കിട്ടും സുഖം
പെട്ടെന്നു ലക്ഷ്യത്തിലെത്തുവാനോടിയാൽ
കിട്ടുമോ, തെല്ലൊന്നു ചിന്തിക്ക നീ
കാരുണ്യം ജലധാരയായ് പെയ്തിടും
കാർമുകിൽ തിങ്ങും വിണ്ണിൻ്റെ ഛായയിൽ
പച്ചപ്പാടവും, സ്വച്ഛന്ദം നീരോടു –
മിച്ചെറുചാലു, മൂഞ്ഞാലു, മാനന്ദം
പിച്ചവെയ്ക്കുന്നതും കാണുവാനേറ്റ –
മിച്ഛിച്ചെത്തിടും തെന്നലുമീവഴി
ധരയ്ക്കുമേൽ വാണിടുവോർക്കു വാഴാൻ
മരം തരും കായ്, കനി, വായു, ഗേഹം
നരൻ സദായ്പോഴുമിതോർക്കുവാനോ
വരച്ചതിക്കോഴിയെയിത്തരത്തിൽ
മരം തരുന്നത്തണലില്ലയെന്നാൽ
നരൻ്റെ ലോകം നരകോപമം താൻ
വരം വനം, നാമമതെരിച്ചുവെന്നാൽ
വരുന്ന കാലം പകരും വിഷാദം
https://www.facebook.com/share/p/5tcawqv5Uonma2bw/?mibextid=xfxF2i