ആരിവൾ?

ആരിവൾ യവനകന്യ തന്നെയോ
പാരിലായവതരിച്ച ദേവിയോ ?

Universal paintings by Eugene de Blaas( 1843-1931)

https://en.m.wikipedia.org/wiki/File:Blaas_Eugen_-Die_Wassertragerin_(porteuse_d’eau).jpg

തണ്ണിമത്തൻ

തണ്ണി മോന്തി മദമത്തനാകയാൽ
തണ്ണിമത്തനിതി നാമധേയമോ?

സ്മരിക്കുമെൻ നേർക്കൊരുമാത്രനോക്കൂ

ശരിക്കുമിക്കാണുവതായ ലോകം
ഭരിക്കുമമ്മേ! ഭുവനേശ്വരീ  നീ
തിരിക്കുമീഭൂവിലിരുന്നു നിന്നെ –
സ്മരിക്കുമെൻ നേർക്കൊരുമാത്രനോക്കൂ

അർത്ഥശബ്ദാലങ്കാരങ്ങൾ

അർത്ഥം കൊണ്ടു ചമത്കാരം
മാത്രമോ നര! സംസ്കൃതി?
അർത്ഥമില്ലാതെ ശബ്ദങ്ങൾ
കോർത്തതോ ഭുവി ഭൂഷണം ?

വൃത്തബദ്ധം

വൃത്തത്തിൽ പദമൊപ്പിക്കാ-
നെത്രയും പണിയാകയാൽ
ഒത്തൊലൊത്തു കുറിച്ചീടാ-
മിത്ഥം  തോന്നുന്നതെന്നുമേ

Ruler

റൂളറാസ്കെയിലവൻ ചൊല്ലും
പോലെനിൽക്കുന്നവർ പ്രജ

എന്തിന്?

എന്തിനീജന്മമെന്നെല്ലാം
ചിന്തിച്ചീടുവതെന്തിനായ്
സന്തോഷത്തോടെ വാണാവൂ
സന്തതം ചിന്തയെന്നിയേ

നുണയർ

സ്ഥാനാർത്ഥി മദ്യപൻ പ്രേമി –
ക്കുന്നോനീമൂവരോതിടാം
എന്തുമെന്നാകിലും നമ്പാ –
വുന്നതായി വരുന്നതോ?

ഭാഗ്യംതരണേ നീ

ഭരണിദിനത്തിലമ്മേ
ചരണയുഗളം നമിക്കാൻ
വരണമതിനുള്ള ഭാഗ്യം
തരണേ നീ

ഇരുളുമളവുനെഞ്ചിൽ
പുരുഭയമുണർന്നുവെന്നാൽ
കരുണയൊടു വെളിച്ചം
തരണേ നീ

മഴമേഘമേ!

സൂര്യനോടു പറഞ്ഞാലും
കാര്യമില്ലിതുവേളയിൽ
പാരം ചൂടായിനിൽക്കുന്നു
തീരെശ്രദ്ധിക്കുകില്ലവൻ

നീരാഴിയേകിടും നൂനം
കാരുണ്യക്കടലാണവൻ
മാരിപെയ്തീടുവാൻ പോരൂ
വരിയായ് മഴമേഘമേ