ലക്ഷണം: നനഭസ കമലാകരമിഹ ലം ലഘു
000/000/-00/00-/0-
ഇരുമിഴികളുമൊട്ടൊഴുകിലുമെപ്പൊഴും
തിരയുമുലകിലായൊരുവഴിനൊമ്പരം
കുറയുവതിനുമെന്നതുസമമെന്നു താന്‍
കരുതണമതു വിട്ടൊരു വഴി വന്നിടാ
കൂരിരുള്‍ ചുറ്റും നിറഞ്ഞു കാണുന്നേരം
കാര്‍മുകില്‍ വര്‍ണ്ണനാണെന്നു തോന്നും
കാര്‍മുകില്‍ മാനത്തു കാണ്മതായീടിലെന്‍
കണ്ണാ! നീ വന്നുവെന്നത്രെ തോന്നും
കണ്ണിനാനന്ദമാം മാരിവില്‍ കാണുമ്പോള്‍
കണ്ണന്റെ പീലിയാണെന്നു തോന്നും
കാറ്റുവന്നെന്തോ സ്വകാര്യമോതീടുമ്പോള്‍
കണ്ണനെന്‍ ചാരെയുണ്ടെന്നു തോന്നും
കൈകളാല്‍ കണ്ണുകള്‍ മൂടിച്ചിരിക്കുന്ന
കുട്ടിക്കുറുമ്പനാണെന്നു തോന്നും
കണ്ണിനും കണ്ണായെന്നുള്ളിലായ് മേവുന്ന
കാരുണ്യം തന്നെയാണെന്നു തോന്നും
കണ്ണുനീരിന്‍ മറയില്‍ പോയൊളിക്കുന്ന-
കണ്ണനെ കാണുക വയ്യെങ്കിലും
കണ്ണില്‍ തെളിയുന്നതായൊക്കെയും നിന്റെ
കേളികളാണെന്നു തന്നെ തോന്നും
Whispering along! 