ധ്യാനം

ആനന്ദമോടെയമരാന്‍ മതജാതിഭേദം
ഞാനെന്നഭാവമിവയൊക്കെയകന്ന ചിത്തേ
താനേ തെളിഞ്ഞുവരുമെന്നുപറഞ്ഞിടുന്നോ-
രാനന്ദരൂപനരുളട്ടെ കൃപാകടാക്ഷം

ധ്യാനം

സുരാന്മാര്‍ക്കെന്നെന്നും കനിവൊടരുളും നിന്റെ തുണയാല്‍

സുരാനന്ദാ, വാഴുന്നവരു സുരലോകത്തി, ലിവനും

തരേണം പാദാബ്ജസ്മരണ സദയം, നാവിലനിശം

വരേണം നിന്‍ നാമം, ചരണയുഗളേ നല്കു ശരണം

(ശിഖരിണി)

നവവത്സരാശംസകള്‍

വരും കാലമാരിങ്ങറിഞ്ഞൂ മനസ്സില്‍
വരും മോദമേറാന്‍ തുണയ്ക്കും മഹേശന്‍
തരും സൌഖ്യമായുസ്സുമാരോഗ്യമെല്ലാ-
വരും സ്നേഹമോടൊത്തുവാഴട്ടെ വാഴ്വില്‍