ലക്ഷ്മിക്കു താനിവിടെ ഭാഗവതാദിയെന്നോ
ലക്ഷ്മീപതേ തവ കൃപാബലമല്ലെ നിത്യം
രക്ഷിപ്പതെന്നെയുലകത്തെയുമെന്നുമേ ശ്രീ-
ലക്ഷ്മിയ്ക്കുമാശ്രയമഹോ തവ പാദപദ്മം
ലക്ഷ്മിക്കു വേണ്ടിയലയാതെ മനസ്സു നിത്യം
ലക്ഷ്മീപതേ തവ പദാബ്ജയുഗത്തിലെന്നും
രക്ഷയ്ക്കു വേണ്ടിയണയട്ടെ തുണയ്ക്കുവാന്‍ പ്ര-
ത്യക്ഷപ്പെടൂ കമലയൊത്തിനിയെന്റെ വാഴ്വില്‍
ഭക്ഷിച്ചിടാന്‍ പൊരുളു നല്കുവതാട്ടെയെന്നും
രക്ഷിപ്പതും കരുണയല്ലെ പറക്കുവാനായ്
പക്ഷിയ്ക്കു ശക്തി പകരുന്നതു വിശ്വമാകും
വൃക്ഷത്തിനുള്ള തുണയാവതുമങ്ങു തന്നെ
കാശിക്കു പോകുവതിനാകിലുമിന്നു വേണം
കാശത്രെ മോശമതു തെല്ലുകൊടുത്തിടായ്കിൽ
കാശിന്നു വേണ്ടി പല വേഷവുമിട്ടുകാണു-
ന്നീശാ ഭവാന്റെ കഥ ചൊല്ലിടുവോരുമത്രെ
Whispering along! 