അന്നെല്ലാം പാടുന്നേരം മുറ്റത്തെൻ ഗാനം കേൾക്കാൻ
വന്നതാം സുരേഷിപ്പോൾ പോയ്മറഞ്ഞെന്നോ കഷ്ടം!?
എന്നെയും തിരഞ്ഞവൻ വന്നതേയില്ലെന്നല്ല
ഒന്നവൻ തിരിഞ്ഞിന്നു നോക്കുന്നു പോലുമില്ല
മൂന്നിലെ മലയാളം പാഠങ്ങൾ പഠിക്കാനായ്
മുന്നമെന്നോണമാരും വരുന്നില്ലെന്നടുക്കൽ
ഇന്നെന്നെ വേണ്ടെന്നായ് മലയാളികൾക്കെല്ലാ-
മെന്നു ഞാനറിയുന്നു കഷ്ടമിക്കാലഘട്ടം
Whispering along! 