യേശുദേവനോട്

.
രക്തമായ് ധമനിക്കകത്തൊഴുകുന്നതാം കൃപ രക്ഷയായ്
നിത്യമീയുലകത്തിനായ് നറുവീഞ്ഞുപോലെ പകർന്നവൻ
ഹൃത്തടത്തിലുയർന്നിടും മമ കെട്ട ചിന്തയകറ്റണം
ഭക്തിയായതിനേശുദേവനെനിക്കുതന്നു തുണയ്ക്കണം

മർത്യവേഷമെടുത്ത ദേവസുതൻ ഭവാൻ ഭുവി വന്നുചേർ-
ന്നെത്രയും കൃപയോടെ പാപികളാകിലും ഹിതമേകിടും
മുക്തിതൻ വഴികാട്ടുവാനതറിഞ്ഞിടാതെ നരനെന്നുതാ –
നോർത്തുപോയ് മിഴിമൂടുമജ്ഞതയാ, ലതൊട്ടു പൊറുക്കണേ