ഇമ്മാന്വേൽ

ആരു നീയെന്നുചോദിക്കുന്നേരം
ബാലൻ ചൊല്ലിയിമ്മട്ടിലായ്

തായ് വഴിക്കാണിച്ചോദ്യമെന്നാകിൽ
ജീസസ്സെന്നാണെൻ പേരെന്നാൽ
താതൻ്റെ വഴിക്കിമ്മാന്വേലെന്നും നാമമോർക്കുകെൻ കൂട്ടരേ

എത്രയായ് പ്രായം എന്നാരാഞ്ഞപ്പോൾ
ഉത്തരമിപ്രകാരമായ്

അമ്മ തൻ വഴിക്കെന്നാൽ പന്ത്രണ്ടും
നിത്യനച്ഛൻ്റെ മാർഗ്ഗത്തിൽ

എന്തു നിന്നുടെ ഭാവികാര്യങ്ങൾ
എന്നു ചോദിക്കെ ബാലനും
അന്നു ചൊല്ലിയതേവം വിസ്മയം
തന്നെയാണതും കേൾക്കുക

തായ് വഴിക്കെന്നെ ക്രൂശിക്കും പിന്നെ
താതനാലുയർത്തേറ്റിടും

*വിനോദ് വർമ്മ, ചെന്നൈ*

പ്രചോദനം: Song: On my father’s side

https://youtu.be/8SbXXn4UpLk?si=dUD44gNHx_9HKnOa