വേലക്കാരില്ലയെന്നാലും
യജമാനനവൻ സദാ
ബിരുദങ്ങളെടുക്കാത്തോൻ
ഗുരു ലോകർക്കവൻ സദാ
മരുന്നുകൈയ്യിലില്ലെന്നാൽ
വൈദ്യനാണവനെന്നുമേ
സൈന്യമില്ലെങ്കിലും ഭീതി
മന്നവർക്കു കൊടുക്കുവോൻ
പോരടിക്കാതെ ലോകത്തെ
തൻ വശത്താക്കി വാഴുവോൻ
കൊട്ടാരങ്ങളെ വിട്ടെന്നും
കുടിലിൽചെന്നുവാഴുവാൻ
എങ്കിലും പ്രഭുവായ് തന്നെ
മന്നിൽ വാഴ്ത്തപ്പെടുന്നവൻ
രാജ്യമില്ലവനിപ്പാരിൽ
രാജാവായ് പുകഴേന്തുവോൻ
കുറ്റം ചെയ്യാത്തവൻ പക്ഷേ
ക്രൂശിക്കപ്പെട്ടു നിന്നവൻ
കല്ലറയ്ക്കുള്ളിലായ് മൃത്യു
പുൽകി, യോനതു വിട്ടവൻ
എന്നുമേ നന്മയായ് പാരിൽ
നമ്മളോടൊത്തിരിക്കുവോൻ
എന്നും നമ്മെ നയിക്കുന്നോൻ
നമ്മളെ കാത്തിടുന്നവൻ
പ്രചോദനം