യാന്ത്രികം

പ്ലാസ്റ്റിക്കുകൊണ്ടുള്ള പുഷ്പത്തിനുണ്ടാകാം
പൂവിൻ്റെ രൂപവും  സൌന്ദര്യവും
എന്നാലതിൽ വന്നുചേർന്നിടാ വണ്ടുകൾ
പൂന്തേനതിൽ താനെയൂറിടായ്കിൽ

മർത്യൻ്റെയുൾത്തട്ടിലൂറുന്ന ചിന്തയാം
പൂന്തേൻ തൊടാത്തുള്ള പദ്യങ്ങളെ
യന്ത്രങ്ങൾ തീർത്തിടാം നാളെയെന്നാലവ
ഹൃത്താരിനാനന്ദമേകുകില്ലാ

യാന്ത്രികമാകില്ല കാവ്യം കലകളും
ചിന്തയും മർത്യൻ്റെ സങ്കടവും
സന്തോഷം സ്നേഹവും വാത്സല്യവും വെറും
യാന്ത്രികമാകാത്ത നാൾവരേയ്ക്കും